Lehen Hezkuntzarako material multimedia

Teknologia Berriak aprobetxatzeko asmoarekin eta gure etorkizunari begira, lagungarria izango den Lehen hezkuntzarako material multimedia interesgarria gordetzeko aukera izan dugu “Delicious” kontuan gaurko klasean.

Haien artean, web gune, blog, wiki… nahiko erakargarriak aurkitu ditut, hala nola:

Geogebra (http://docentes.educacion.navarra.es/msadaall/geogebra)

Web gune honetan, matematika arloaren gai ezberdinak lantzeko ariketa ugari aurkitu ditzakegu (batez ere LHko 2. eta 3.zikloetarako). Ariketa interaktibo hauek, haurra behatzeko eta ikertzeko pentsatuta daude. Hau da, enuntziatu bat dago galdera batekin abiapuntu bezala, ondoren haurrak agertzen zaion pantailan arratoiarekin gauzak mugitzeko eta gertatzen diren aldaketa desberdinak ikusteko.

Nire aburuz, oso webgune aproposa da, ikasleak gauzak era argi batean ikusi eta ikasiko dituztelako, eta beharbada jadanik zituzten ezagutzak hobeto finkatuko dituzte.

ACEX (http://educacex.blogspot.com/)

Blog honetan, aldiz, HH, LH zein DBHrako espazioak aurkitzen ditugu. Gainera ingelesa praktikateko jarduerak eta helduen hezkuntzarako (EPA) aktibitateak, beraz, nahiko osatuta dago hezkuntzari dagokionez.

Era berean, esparru batean klikatu ondoren, bertan lantzen ari diren gai ezberdinak ikusiko ditugu, eta modu indibidual nahiz taldeka, hauen artean momentuan ikasgelan landu ari garena, nahiz errepaso moduan landu nahi duguna aukera dezakegu.

Cuentos Interactivos (http://www.cuentosinteractivos.org/)

Orrialde honetan, haurrentzako ipuinak ditugu. Orrialde honen ezaugarri nagusia, ipuinak interaktiboak direla da, hots, ahots batek kontatzen ditu eta marrazkiak agertzen dira, azken finean, marrazki bizidunak balira bezala. Beraz, oso interesgarria da gurasoak etxean seme-alabekin erabiltzeko edo irakasleek klasean baliabide didaktiko bezala erabiltzeko.

GOAZEN (http://goazen.wikispaces.com/ERREKURTSO+LH)

Wiki honetan, berriz, LHko errekurtso ugari aurkitzen ditugu: inguru, hizkuntza, matematika… beraz, nire ustez, oso erabilgarria eta lagungarria izan daiteke irakasle batentzako, bere ikasleen ikaskuntza prozesuan laguntzak eskaintzeko.

Amaitzeko, esan beharra dago, orrialde guzti hauek, eskolan landu ahal ditugu era aktibo eta esanguratsu batean, beti era antolatu eta egoki batean aukeratuta eta antolatuta.

Eskola 2.0 eta Arbel digitala

2009-2010 urteko Hezkuntza Sailaren kexka dela eta, egungo gizartean dauden arazoei aurre egiteko aproposa eta beharrezkoa ikusten dute hezkuntza eredu berria bilatzea, hain zuzen ere, Eskola 2.0. Era berean, hezkuntza munduan TTBB-en integrazioa, Multinazionalen eta ekonomia talde handien presioagatik (Espainia beste herrialdeekin konparatuz atzean ez geratzeko) izan dela ere pentsatu dezakegu.

Baina eskola 2.0 programa, ikastetxeetatik (LH 5º eta 6º eta DBH-ko 1º eta 2º) soilik teknologia banatzea bilatzen du: arbela digitalak, internet konexioa eta ikasle bakoitzarentzat portatil bat; eta hau ez du zerikusirik hezkuntza planteamenduarekin edo  pedagogiarekin.

Gainera, ikerlarien informeak bat egiten duten bezala, hezkuntza/ikaskuntza kalitatea ez da hobetuko bakarrik teknologia berriak aplikatzeagatik. Are gehiago, kasu batzuetan prozesua okerragotu egiten dute, kontuan hartzen ez diren hainbat faktore inportanteak daudelako, hala nola: lantzeko metodologia, irakasleen motibazioa, ikastetxearen inplikazio maila, aholkularitza didaktikoa eta ez soilik teknologikoa, …

Aipatutako alderdi hauek, eta egungo hezkuntzak dituen beste arazo batzuk, esaterako, porrota, irakasleen formakuntza txarra, eskolaren abandonu goiztiarra… arestian komentatutako Eskola 2.0 programak ez ditu kontuan hartzen. Beraz, nahiz eta irakasleen formakuntza bermatu, zertarako behar ditugu teknologia berriak, ez badigute soluziorik eskaintzen gure irakaskuntza prozesuan aurre egiteko eta intentzio horiek errealitatea bihurtzeko? Teknologia berriak zentro bakoitzaren errealitatera aplikatzea ezinbestekoa baita.

Laburbilduz, programa honi ez dio axola irakasleen parte hartzea, beharrak edo proposamen didaktiko nahiz teknologikoak… teknologiei eta zentroetan izango duten integrazioa segurtatzeari, pedagogiari baino garrantzi handiagoa ematen diotelako (80 hamarkadako Atenea proiektua bezala). Beraz, Eskola 2.0, ez du zerikusi  handirik Hezkuntzarekin edo Irakaskuntzarekin, ezta egungo egoera teknologikoarekin, hezkuntza komertzializatzeko prozesu baten barnean kokatu nahi dute.

Egia da teknologia berrien gizartean murgilduta gaudela eta hezkuntzak, teknologiak hornitzen gaituen tresnez baliatu behar dela, baina ezinezkoa da baieztatzea TICak hezkuntza hobetuko duenik, nahiz eta hau ez eraman aurrera, eten digitala sortu.

Azken finean, Espainiako Eskola 2.0 programari buruz aritzean, ez da hezkuntzaz aritzea, baizik eta negozioaz eta merkatalizazioaz.

Blogen aplikazio didaktikoa

Ikusi izan dugun moduan, gaur egun, oso nabaria da teknologia berrien eragina; haien artean Blog-a aurkitu dezakegu, oso tresna erabilgarria direnak. Aplikazio honen eragina hezkuntzaren arloan ere  antzeman dugu, hau da, nola eskolari dinamika bat ematen dion, parte hartzea sustatuz.

Gainera, irakasle askok (gero eta gehiago), teknologia berri hauetaz baliatzen ari dira eskolaren prozesuan eta egunerokotasunean aurrera egiteko. Hauek,  ahalbidetzen digute gure klaseak parte hartzaileak eta aktiboagoak izatea. Blog-ak, azken honetan asko laguntzen dute eta ikasleei, gurasoei eta irakasleei zenbait abantaila eskaintzen diete, hala nola: irakasleak etxerako lanak edo klasean landutakoa igo ahal dute; modu honetan, ikasleak etxean errepasatzeko aukera izango du, edo zerbait ahaztekotan bertan ikusteko aukera . Era berean, gurasoek, haien seme/alabei etxeko lanekin lagundu eta haien ikaskuntza prozesuan parte hartu ahal izango dute,  klasean zer egiten dutenaren jakinean egonda.

Beraz, amaitzeko esan beharra daukat, Teknologia Berriak eta Blog-ak aurrerapauso handia suposatzen dutela, batez ere erraztasun handiak eskaintzen dizkigutela, bai gure gizartean baita hezkuntzaren arloan ere.

“REFLEXIONES SOBRE LA BRECHA DIGITAL Y LA EDUCACIÓN”

Aurkeztu zaigun testuan, “Reflexiones sobre la brecha digital y la educación”, autoreak eten digitalari buruz aritzen da, hots, sarean sartzeko aukera dutenen eta ez edo ezin dutenen arteko ezberdintasunari buruz. Desberdintasun hau, pertsonen, erakundeen, gizarte edo herrialdeen artean ematen da, eta Julio Cabero Almenarak, hasiera-hasieratik eten digitala betidanik egon dela argi usten digu.

Kontuan izan behar dugu, sarean sartzeko aukera aipatzen dugunean, informaziora, ezagutzara eta hezkuntzara jotzeko aukeraz hitz egiten ari garela. Beraz, pertsona hauek baztertuta daude teknologia berriek eskaintzen diguten giza aurrerapenak eta aurrerapen ekonomiko eta sozialak izateko aukerei dagokionez.

Azken finean, teknologia berriak banaketa elementua bihurtzen ari dira (batez ere herrialde aberats eta pobreen artean), eta honek arazo nabariak dakartza: eten soziala, edo hobeto esanda, bazterketa soziala. Ondorio larria da, bai herrialde ezberdinen artean eta bai  herrialde horien barnean ematen delako eten soziala; eta eten honek, maila sozial berri bat sortzea ekartzen du, hala nola, “aparthied” sozial bat.

Honekin lotuta, aipatzekoa da testuan agertzen den hurrengo kontraesana: azken mendean, gizakiaren historia osoan zehar baino bizi maila handiagoa lortu dugu, baina, modu berean, gaur egun daukagun historiaren momentu bat, non, gero eta nabariagoak dira mota guztietako desberdintasunak: ekonomikoak, generokoak, hezkuntzakoak, teknologikoak, digitalak, …

Era berean, Caberoren aburuz, eten digital ekonomikoa ez ezik, eten digital gehiago daude, esaterako: hezkuntza eten (aurrerago hitz egingo duguna), eten politikoa, eten generoa, hizkuntza etena, eten psikologikoa, …

Teknologia berriak, denboraren poderioz, guztiok izango ditugu eta pertsona guztien eskuetan egongo dira, baina hori ez da soilik garrantzitsuena, beharbada beranduegi izango ailegatzen direnean. Gainera, teknologiak edukitzea ez da soilik inportantea, ordenagailua etxean izan dezakegu, baina erabiltzen ez badakigu ez du ezertarako balio.

Horrekin lotuta, teknologiak hezkuntzan duten eragina aipatzen da. Pixkanaka-pixkanaka, esparru honetan bere lekua hartzen edo topatzen hari dira (esaterako, arbel digitalak, blog-ak ikasteko…); beti jakinda daukagun haurren generazioa ikasle digitalak direla.

Baina lehen komentatu dugun bezala, teknologiak ez badakizkigu erabiltzen ezin izango dugu aurrera jarraitu garapen honetan, eta hezkuntza sistema honetan nabarmena den gauza bat, irakasle askok, gehienak ez esateagatik, teknologia berriak nola funtzionatzen duten ez dakitela da; hortaz, zera izango da ezinbestekoa: alfabetatze digitala. Inoiz ahaztu gabe irakasleak izango direla teknologia berrien erabilera zuzena irakatsiko dietena ikasleei.

Beraz, alfabetatze digitalak, pertsona konpetenteak lortzen lagunduko digu, hala nola: era kooperatiboan taldetan lan egiten ikasi, informazioa bildu eta antolatu, autonomoa izatea eta iniziatiba izatea, ezagutza berriak ikastea eta ideia berriak azkar asimilatu, … Hots, gaitasun zehatz batzuk lortuko dituzte ikasleak: bilatzeko, ebaluatzeko, egituratzeko, eta informazioa antolatzeko gaitasuna. Gainera, ingelesa teknologia berrien hizkuntza nagusia da (programetan, informazioan, …), beraz oso garrantzitsua izango da bai ikasleek bai irakasleen ingelesa dominatzea.

Esan dezakegu, orain arte “informatikako gela” deitu izan dena, “ikasgelan informatika” bihurtuko dela.

Testuaren Link-a: “Reflexiones sobre la brecha digital y la educación”

Teknologia berrien eragina gure gizartean

Gaur egun argi dago teknologia berriak gure bizitzaren edozein aspektutan paper garrantzitsua betetzen dutela. Gainera, hauek, gero eta aurrerakuntza handiagoak dituzte denbora tarte txikiagoan.

Teknologia berrien eraginaren alde positiboena, nire ustez, edonork, edonon eta edonoiz erabili ahal dituela da. Beraz, gizartearen partaide guztiok munduko edozein gertakariari buruz ohartu gaitezke, hau da, teknologia berrien eta informazioaren gizartearekin batera globalizazioa dator; hortaz, pertsona guztiok informazioa elkartrukatzeko aukera daukagu.

Laburbilduz, teknologia berriak izugarrizko iraultza suposatu dute eta gaur egun daukagun gizarte motan gure buruak murgilduta ikustea eragin dute: informazioaren gizartean. Honek zera esan nahi du, informazio gehiago duena botere gehiago izango duela, baina horretarako ezinbestekoa izango da informazio hori kudeatzen jakitea.

Prometeus – La revolución de los medios

Prometeus “La revolución de los medios” bideoaren gai nagusia, teknologia berrien eboluzioa eta garapena da, batez ere, hauek gure gizartean nolako eragina izango duten etorkizun hurbil batean.

Behin bideoan teknologia berrien bilakaera ikusita, pentsatu dezakegu bideoaren mezu nagusia “Prometeus” etorkizun batean guztia kontrolatuko duela, eta gure gizartean edonon egoteko eta edonon gertatzen den guztiaz jabetzeko ahalmena izango duela. Ideia hau jaso bezain laster, uzker sentitu ahal gara, batzuk beldurtuta ere, baina beste aldea ikusten badugu, izugarrizko aurrerapena suposatzen duela ikus dezakegu.

Aurretik ezagutzen genituen medio zaharrak denboraren poderioz desagertu egingo dira (irratia, telebista, informazio estatikoa, adibidez: liburuak, artikuluak…), eta aplikazio askok garrantzia hartuko dute: flickr, youtube, wikipedia, interneten irratia, telebista, egunkariak eta berriak, …. Hori gertatuko da masen boterearen eragina dela eta; baina ez dugu ahaztu behar, edonork izango duela aukera informazioa produzitzeko eta kontsumitzeko (Prosmer izateko), hau da, parte hartzeko, dena konektatuta egongo da eta.

Nire ustez, gizarterako aurrerakuntza itzela izango da, baina era berean, norbait guztia kontrolatzearen ideia nahiko beldurgarria da. Azken finean, pertsonak nahi duten identitatea sortu ahal dutelako, errealitatearen erreplikak egingo direlako (“Second life”, adibidez), … Eta gainera, 2050.urtean itxaroten da “Prometeus”-ek Spirit eta Place antolakuntzak erosiko dituela eta momentu horretan munduko merkaturik handiena bizitza birtuala izango delako. Gaur egun, ez gaude ohituta honelako gauzetara, beraz, iraultza handia suposatuko du, hain zuzen ere, bideoaren tituluak esaten duen moduan: Revolucion de los medios.

Eskola esparruan, gaur egun ikus dezakegu nola ikastetxe askotan egunero teknologia berriak erabiltzen diren, eta gure ikasleek “i generazioa” izena dutela, hots, interneten generazioa. Ez dugu berriro esan behar aurrerapen itzela dela, baina etorkizunean uste dut murriztu egin beharko direla eskolan teknologia berri hauen erabilera, irakasleen laguntzarekin prozesuan aurrera egin eta irakaskuntzan zentratu.

Laburbilduz, masen eragina dela eta etorkizun “digital” hau lortuko dela pentsatzen da, beraz, gure esku dago modu batean esanda, baina aplikazioak “google” bezala adibidez, gero eta botere gehiago dutenez, bideoan ikusten den bezala kontrola pixkanaka lortuko dute, Prometeus lortu arte, dena ikusiko duen begia.

Estekak sartzeko aproba

Post honetan ikusiko dugu nola sartu lotura bat idazpen batean. Horrela, hemen klik egiten EHUko web orrialdera salto egingo dugu.